Contoh sesorah.
Assalamualikum wr
wb
Ingkang satuhu kinurmatan Bapak kepala Desa Kaliwungu
Sedaya Bapak
Kepala RT saha RW ing Desa Kaliwungu
mriki ingkang kula kurmati ugi.
Boten kesupen para rawuh sedaya ingkang bagya
mulya.
Alhamdulillah
, puji syukur sumangga kula saha panjenengan sedaya tansah aturaken
wonten ing ngarsanipun Gusti Allah Ingkang Maha Kuwaos, ingkang sampun paring
rahmat saha hidayahipun, sahingga panjenengan sedaya saged rawuh wonten
adicara pengetan 17-an wonten ing wekdal menika kanthi boten wonten alangan
satunggal punapa.
Para rawuh ingkang minulya,
Wonten ing kalodangan punika kula minangka sesulih saking
para kadang panitia pitulasan/pengetan
ambal warsa Rebuplik Indonesia. Keparenga gaturaken sugeng rawuh saha agunging
panuwun dhumateng para rawuh sedaya ingkang sampun purun mbucal wekdal
saperlu rawuh wonten papan menika kanggem mangeti ambal warsa Rebuplik
Indonesia.
Kula ugi ngaturake panuwun dhumateng sedaya warga
masyarakat Desa Kaliwungu,Ketua RT/RW
saha masyarakat umumipun ingkang sampun nyengkuyung adicara menika, ingkang
sampun mbiantu saking kawiwitan acara
menika dumugi samangke ngantos pungkasaning adicara menika. Sae menika ingkang sampun biyantu badha tenaga saha
sanes-sanesipun ingkang boten saged kula sebataken setunggal-setunggal saestu
saking panitia namung saged ngaturaken agunging panuwun.
Boten kesupen kula ugi ngaturaken
panuwun dhumateng sedaya panitia pengetan 17-an
menika, ingkang sampun nindhaaken tanggung jawabipun kanthi sae. Pramila
adicara menika saged kalampahan kanthi sae.
Boten kesupen kula amakili saking sedaya panitia pengeten
17-an nyuwun sewu-sewu agunging pangapunten mbok bilih anggenipun
nglaksanakaken acara menika tasih kathah kekiranganipun utawi kirang nuju prana
dhateng penggalih panjenengan sedaya, saestu panitia namung saged nyuwun
agunging pangapunten. Mugi-mugi kanthi acara menika saged
nuwuhaken rasa trena dhatheng tanah air kula saha panjenengan sedaya nun inggih
Negara Kesatuan Republik Indonesia.
Cekap semanten atur kula mbok bilih wonten klenta-klentuning atur, olah basa, tindak
tanduk kula ingkang boten mranani wonten ing penggalih panjenengan sedaya kula nyuwun
pangapunten.
Wassalamualaikum
wr.wb.
Demikian contoh sesorah basa jawa tema HUT RI .17 agustus semoga bermanfaat.